Culpado é Helder

Pa nenhum di nhas putos ka graba, 1º storia li di “Mi Ku Nhas Putos” sa bem ser sobre mim. Nhos aproveita, nhos ri tudo ki nhos tem pa ri, pamodi dipôs di keli… nenhum d nhas niggas ka ta skapa.

bom...
Era um dia normal e como tudo dia normal nu staba la na casa... Tagus Park. Nu staba num aula di programaçon xatu pa cagá, mi ku nhas niggas Ady e Helder. Enquanto prof ta fala di programaçon nôs nu staba ta preenxi um kestionário ki distribuido pa tudo alguém ku problema mental. Como é óbvio tudo morador di Tagus Patk dadu kel tal kestionário. Tudo, tudo... também não. Por motivos óbvios min ka dadu kel tal kestionário. Man sa ajudaba kes 2 dito kujos (Ady e Helder) a preenxel pamô ês sô ka ta consigui.

Nhas putos... e nhas put… e nhas amigas, nem aulas di katikeze ka era tão xato sima kelá. Prof ku rostu mô um programa bloqueado, alunos sô génios, sô jovens ku uuuuma kabeçon ta pensadu ê kes monitor antigo. Óculos mô fundo garrafa. Bom, Ady ku Helder tambén tinha óculos, ma… buuurros pa caralho! Pulas ta abri boka pa papia ta sai sô bits (011100101001, etc…). Ami na nha kanto discooontra e kalado, pamô papia do kin ka sabi nunka foi nha forti. Helder vermeeelho, furu stretu xeio medo perguntado algun cuza di matéria. Agô, nha nigga Ady ka podedu kuel! uuuh nha mãe... ês nigga ê violentu!

Min cansa ku dal consedjo pê fika kalado, kaladinho, boka fitxadu, mudu. Ma… forti rapazinho ka ta obi!!! Sima djan fla nhôs, tugas ta papia bits ta sai, Prof ta papia Mega Bytes ta sai. Foi lá ki nigga Ady ka obi ku mi e abri boka pa papia… Avêêê Maria: munti Giga Bytes di bolhas spadja na sala… so côcô!!!

Mô, dan uuuma vergonha kin komeça ta fica vermeeelho sima Helder. Sima Helder nou pamô n djobel... kel coitado dja staba roxu, ma Ady ka ta kala pa nada ki tem! Isto é, ta diskuti ku prof boka bedjo ta fla ma símbolo Apple foi inspirado na um maçã azedu lá di Fogo! Por isso kê ten sô um mordedura. Evandra ki furtaba el na horta pai di Vanessa. Ê bai furu largo ê dal uuuma mordedura! Ma kela porra saba tão azedu, mas tão azedu ki vanda fulhal pa lá e ti hoji ainda ka parci nenhum portátil Apple ku maçan kompletamenti kumedo.

Rapaz, kada um podi papia merda kê krê ma problema é ki ka sô el ki ta fica mal visto. Ki ta fica mal é comunidadi negra intero.

As tantas Helder tivi um ideia brilhanti: ê flan pan fingi ma djan passa mal. Kel sakana garantin mê ta pegan anti n kai. Assim aula ta termina e kel tamanha vergonha ta kaba.

Dito e feito! N fingi ma djan passa mal, sima nba kai riba d Helder kel disgraçadu da gaita libra n bai di cabeça retu txon… KUDUBUPU!!! Sima nkai n odja Sol ta bai noti ta bem em pleno meio-dia. Kou fican sukuru! n pergunta: "ken ki paga luz?", man ka obi ninguém ta respondem. Di la nka ta lembra mas nada.

Dipôs kin bem contadu ma paniku alastra dentu sala. Tugas sa custumado ku odja computadores ta da segmentation foult, mês ka sa kustumadu ku odjaba pretu da da badagaio. Mi na txon desmaiadu ta tremi, tugas tudo ta grita, ês pensa mê kes spiritu africano ki dja bem Portugal. Helder ta tenta papia pa splika mera um brinkadera, ma nes momento dje staba mas pretu ki Ady. Djê fadiga, óculus tortu na rostu, nenhum palavra ka ta sail di boca. Ady go... ka ta kala. Inda ê sta la sô ta diskuti ma um homi lá di Fogo ki atxa maçã, não di EVA, mas sim di EVAndra ki inventa Apple.

Prof nem ka sa ligal mas, djê telefona 112, ambulância txiga na momento! N corda du nada, n odja munti alguén a nha volta (tugas, prof, Helder)… Ady saba la na quadro ta spadja mas Giga Bytes ainda. Ago ê bem ku porra dun idéia ma BMW é um marka di carros ki foi inventado por pretos e na Jamaica. E ma sê significado ê: Bob Marley and Wireless.

N txiga n labanta. Man ka labanta atoa no, n labanta sima tudo preto, armado em xatiadu! Prof flan pan ten kalma dje txoma 112 etc e tal... Mi sima tudo individuo digno dessa cor eskura n fazi kel discurso di um pretu revoltado e acima di tudo balenti:
"Ambulancia pa kê? min sa dretu, mi é forti! pensa mi ê kes tuguinhas ki ta odja um pretinho qualquer logo ta borra ses fralda ou quê? Mi? Mi não!!! Min studa na Varzea, djobi? Min da e dadu ku paralelo, djobi?"

Ady xinti ma era mas um bom altura pê mata kel participaçon na aula, ê da sô me tradutor:
"Prussor, paralelo eli ker dizer akelas penedus di calcetadas. Ka cascalho nou, ê akelas outro."

Mi nen ka ligal e n kontinua nha discurso di negro balenti:
"... mi djan discalceta avenida Cidade Lisboa sô pa mata um nigga, djê! Min ta rabentaba niggas ses cabeça ku garrafadas di xalalá, djê! Um cabeça na txon é ka nada na min, djê! Mi é preto caralho! Kuzê ku sta pensa? Bo à ta da pa dodu ou k?"

Ady torna meti na assunto:
"prissor, xalalá eli ker dizer uma bebida di gêlo mas non ê gelo. Uma bebida congeladu mas non tem geladu. Ou seja... ê congelado mas sem geladu. Isso ê para mexer komu ki uma garafa komprido. Mexer, mexer e mexer atê ki sai likidu, mas non ê punheta!"

Rapaz... Prof intendi sô "punheta" é sanha na nha nigga: "CALAAAADO!!!!"

Ma nha nigga Ady kel dia sa mesmu ku gana participa na aula. nton ê fla:
"Prissor, o sinhor ten razon. Stivi a ver o livro agorra mesmu e rialmenti xalalá non faz parti da matéria dessa cadêra. Agora vamus skecer o xalalá e a Apple. Mas não sei si o sinhor sabi, mas o computador MANGAlhães foi inspiradu numa MANGA dôxi la di Sto Anton. Propi ken inventou foi um sinhor cau-verdiano ki ten uma horta lá em Sto Antão."

Nhas niggas... prof dja ka sa guentaba tamanha barbaridadi ki sa binha de boka di um homi sô! Na momentu ke bá karrega nigga pê fulha la pa rua... rapazes di ambulância txiga entra.

Tudo alguém ta flan pan bai kues, pan bai hospital, pan bai, pan bai. N flas:
"Ok, n sa bai sô pamô nhôs sa pidi, djê! Min sa kustumadu ku hospital Agustinho Neto djê! Ka ês hospitalzinhos di merda e sem kategoria ki nhos tem pa li, djê! E pra já, pra já isso di bai hospital é sô panulerices pah!"

Sima n bá da primero passo pa bai ambulancia ês flan pan xinta na kadera roda. Nhas boys... e nhas vac... e nhas amigas, bai hospital já era txeu, ago... na kadera de rodas era dimas! Isso era mesmo muita frescura pa um nigga maxão. N panha nda uns saltinhos n flas:
"Ê li, nsa rei di pronto min ka mesti essa porcaria pa nada no, djê!"

Gajo ki trazeba kadera de rodas flan:
"sim ta bem, já sabemos ke és muito forte. Agora SENTA-TE NESSA MEEEERDA, CARAAAALHO!!!"
Mô, n xinta sô faxi! É ki nha boy era um nigga ku kuase 2m de altura ku mas uns 3 di largura e nem ka sabi kantu cm di... di assunto! O kin sabia ê ma já já nta staba mi ku ês nigga dentu ambulância. Sin dába pa dodu n podia bem konxi kes X cm di assunto em breve. Por isso moral da kaba! Kel black nigga maxão bira um pretinho bem edukadu. N bai ti ambulancia xintadinho, kaladinho, nem um piu. Isto é, sô ta fla ma kel kadera di roda era confortável e tal...

Dentu ambulancia ês flan ma sô um di nhas niggas podia bai ku min. N skodji Ady pamô kel sakana di Helder ki pon ta da koketa na txon. Sin skodjeba el pa bai ku min, ê ta entraba na ambulancia ku sê pê ma ê ta saíba di la na otu cadera roda tambén pamô na momentu nkria so matal.

Condutor poi pê na cilerador nu pintxa pa hospital. Kredu, nem na IC19 nu ka pára. N sa xintiba uma importanti, sima PP hora ki ta passa frenti palácio governo sem pára. Ti ki nu txiga hospital... (tu bi continued).